揽炒区员吁＂灭狗＂ 网民批无人性

黄丝做嘢有乜共通点？咪就系只讲立场囉。话说初生小猫不幸被柴犬咬死本来已经系一幕惨剧，但黄丝谂到嘅解决办法竟然系毁灭只狗，呢个时候仲要有揽炒派区议员加多一脚，佢唔单只觉得要人道毁灭咬人嘅柴犬，仲是非颠倒咁"出口术"，话声称放朱古力毒狗嘅人其实唔会咁做。

网民"Cat Wong"日前竟喺facebook专页"天下猫猫一样猫群组"发帖提议，用放毒嘅方法应对有狗仔四围咬，之后更称"路边已放好味嘅朱古力，欢迎狗主放牧式喂食，已行了5个区（我唔会讲去过边，吹呀？慢慢搵啦，中毒就知㗎啦。）"有网民知道揽炒派葵青区议员周伟雄识得此人，私下问佢睇法，点知周伟雄竟口出狂言："政府罚则太轻，起唔到阻吓作用，我觉得所有曾经咬伤人/动物的狗只应该『人道』毁灭……"

佢无良嘅言论当然立即被人公审，于是佢出帖试图解画，但都坚称"人道"毁灭有理，网民虽然唔肯收货，但佢竟然继续喺留言度帮个毒狗嘅朋友搵借口，话佢虽然咁样讲，但就唔会咁样做。

唔少网民就留言闹爆周伟雄黑心。"Aw Priscilla"话："呢条正×弟，就算系，都系主人错，狗狗无辜架（㗎）！""Ruby Tsang"就话："好奇怪嘅逻辑！如佢所讲，我小朋友响（喺）学校打架，佢觉得学校刑罚太低，阻吓性不大，咁就要捉我小朋友去人道毁灭？养不教，父之过！呢个刑罚系放主人身上，唔系放动物身上，何况有咩权利终止其他动物嘅生命！"

来源：文汇报