网民爆张秀贤借钱唔还想走

星岛环球网消息：文汇网讯 揽炒派区议员口就讲"齐上齐落"，但一出事就大难临头各自飞，"手足"秒变"手joke"。近日有网民似乎忍受唔住一直俾人呃，决定喺连登讨论区度大爆揽炒派元朗区议员张秀贤嘅劣行，话佢借钱唔还之余，仲打算走佬走数，食尽人血馒头咁话。

连登网民"刀仔锯大树～"日前以"元龙选区居民表示：×你老×张秀贤"为题出post，嬲爆爆咁话："你（张秀贤）自从当选以嚟，不停问你班义工团队以各种名目借钱，东借一忽、西借一忽，集腋成裘，本来都冇谂住爆你出嚟，点知你夹夹埋埋借左（咗）7位数，准备成家移民走佬走数？你对唔对得住班手足啊！"佢仲指责张秀贤"成日喺度食人血馒头，之前代购啲越南口罩质量又差到仆×，中间又食唔少夹棍。"

"刀仔锯大树～"同时质疑张秀贤众筹款项去向，话佢上年以"支付诽谤案相关费用"为由举办众筹，但所得嘅十四万七千几港元就唔知去咗边，当初张秀贤所讲嘅3个月公布一次财政报告又完全唔见咗影。而睇返张秀贤fb，又真系无见过佢提任何财政报告喎，咁到底啲钱去咗边呢？真系令人好怀疑囉。

大部分黄丝盲撑 唔愿睇清真相

虽然"刀仔锯大树～"好努力咁陈述一件又一件事去证实张秀贤嘅劣行，但系大部分黄丝就懒理佢所讲，仲攻击返佢系"五毛"，不断扭曲佢嘅目的系要分化大家。难怪当俾人呃时，黄丝依然会选择继续盲撑啦，因为佢哋根本唔愿打开眼睇清真相，"蠢黄"呢个名真系十分配合佢哋。